iPhone Apple Intelligence жүйесін үйрету үшін жеке деректерді қолданады
Apple компаниясы өзінің жаңа интеллектуалды жүйесін — Apple Intelligence-ті іске қосады. Bloomberg дерегінше, бұл жүйе iPhone, iPad және Mac қолданушыларының нақты жеке мәліметтеріне сүйене отырып жұмыс істейді. Атап айтқанда, хаттар, хабарламалар, ескертпелер және басқа жеке контенттерді талдап, автоматты жауаптар мен қысқаша мазмұндар ұсынуды жақсартады.
Маңыздысы — компания деректер Apple серверіне жіберілмейтінін айтады. Барлық өңдеу құрылғыда орындалады. Дегенмен, бұл — нақты пайдаланушы деректері, сондықтан құпиялыққа қатысты алаңдаушылық тудырып отыр.
Қалауы бойынша қатысудан бас тартуға болады. Ол үшін деректерді талдауды қолмен өшіру қажет:
Қалай өшіруге болады:
-
Баптаулар бөліміне кіріңіз
-
Құпиялылық және қауіпсіздік бөлімін таңдаңыз
-
Төмен жылжып, Аналитика және жетілдіру тармағын ашыңыз
-
Барлық белсенді параметрлерді өшіріңіз
Бұл құрылғының аналитикалық деректер жіберуін және Apple Intelligence-ті үйретуге қатысуын тоқтатады.
Редакция басқа көздерден алынған, жіберілген немесе алынған материалдардың мазмұны мен дұрыстығына жауапты емес. Мұндай материалдарды жариялау тек ақпараттық мақсаттарға арналған және олардың мазмұнын автоматты түрде растауды немесе мақұлдауды білдірмейді.