Алматы оқушысы IELTS бойынша әлемдік рекорд орнатты!
Алматы қаласындағы №116 мектептің оқушысы Сая Қыдырали әлемдегі үздік ағылшын тілін меңгерген оқушылардың бірі атанып, IELTS емтиханында 9.0 балл жинады.
Бұл жетістікке қалай жетті?
- Сая ағылшын тілін 6 жасында үйрене бастады.
- 11 жасында IELTS тапсырып, 6.5 балл жинады.
- Өз білімін үздіксіз жетілдіріп, 17 жасында кемел нәтижеге жетті. Бұл көрсеткішке әлемде тек 0,5%-дан аз адам ғана қол жеткізеді.
Құттықтаулар мен пікірлер
Нәтижелер жарияланғаннан кейін Сая қолдау білдіргендердің барлығына алғысын айтты:
«Кеше кештен бері сіздердің қолдауларыңызды сезініп отырмын, бұл мен үшін өте маңызды. Барлығыңызға жауап бергім келеді, бірақ тым көп хат келіп жатыр!»
Алдағы жоспарлары қандай?
Осы жетістік Саяға әлемнің үздік университеттеріне түсуге, гранттар мен халықаралық мүмкіндіктерге жол ашады.
Талантты жас оқушыны құттықтаймыз! Білім жолындағы жаңа белестерді бағындыруды тілейміз!
Редакция басқа көздерден алынған, жіберілген немесе алынған материалдардың мазмұны мен дұрыстығына жауапты емес. Мұндай материалдарды жариялау тек ақпараттық мақсаттарға арналған және олардың мазмұнын автоматты түрде растауды немесе мақұлдауды білдірмейді.